五月食堂 (已結業)

今日下午系观塘收工去附近揾野食，之前就好钟意去骏业街熟食中心度揾野食，因为平靓正。今日经过见到呢间新开既五月食堂，门面几靓仔，见menu 都好多款食物拣，好似几好食咁。员工态度都好好，好有亲切感。😁我就叫左一个主食一个小食，佢仲送左2只脆卜卜既饺子。芝士火炙盐烧安格斯封门柳牛肉饭配溏心蛋 ($58)牛肉好香口，牛味够，而且口感几好！加埋d芝士，真系好吸引。调味都做得好好。好饱肚，性价比几高！👍🏻黑松露芝士酱拼椒盐炸薯条 ($30)薯条炸得好脆，调味都唔错。个黑松露芝士酱好重黑松露味，芝士味都突出，整得几好！😋呢间系绝对可以做饭堂，好多款食物我都想再试😀