三公台灣料理 (已結業)

旺角地带嘅餐厅非常多，今次同朋友拣咗去台式料理，去咗三公食lunch，餐厅非常宽敞，环境舒适，坐位舒服，而且仲系动物友善餐厅，可以带埋狗仔嚟一齐进餐！至于餐厅嘅lunch套餐性价比高，包括主食+白卤水三宝+古早味炒冬粉，餐饮仲系配台式饮品，超抵食，好值得再返嚟食！香酥排骨卤肉拌面一大块炸猪扒炸至金黄色，外皮香脆，扒肉肥瘦适中，唔会干柴，肉汁非常juice！ 而且配菜伴丰富，份量十足！拌面整得质地偏淋身，油香味四溢，但食完不会觉得油腻。香酥炸鸡卤肉拌面金黄色的炸鸡炸得非常香脆，而鸡肉充满肉汁，味道鲜甜，拌面同配菜非常丰富，份量十足！赞！台式饮品我哋升级咗饮品，拣咗百香果爱玉菓子 & 柠檬阿里山爱玉，两杯台式味道酸酸甜甜，十分解腻又解渴！而百香果嘅果香比较出众，大爱！另加，饮品可以再加钱加配料，好正！椒麻鸭舌台湾鸭舌油亮光滑，口感嫩滑，越嚼越香！椒麻拼盘（金钱肚，牛舌，大肠)份量十足嘅拼盘，包括有三种卤味，金钱肚、牛舌同大肠，卤得入味，再加上秘制酱汁同香料，味道十分麻香。餐厅内，仲会有桂花酿同琵琶膏卖，心郁郁即刻买咗一支桂花酿返去，之后就可以冲嚟饮下/整下甜品！🤩