卡維亞的廚房

营业中

休息中

今次系是第三次帮衬喇，上两次挂住食唔记得影相，所以都无写食评。因为觉得呢间餐厅真系几好，好想推荐下所以今次终记得影相写评。三次帮衬都系外卖，经OpenRice order重有折，所以更低食，佢哋啲咖喱好多香料同好多料，今次个印式烩羊肉真系食极都有肉，咖喱什菜就多到可以剩低夜晚食，唐杜里鸡肉质鲜嫩多汁味道鲜美，最喜欢佢嘅印度虾肉饭，大概有7，8只虾，啲虾食落好新鲜好爽好有虾味，炒饭落足香料饭炒得干身唔油，非常高水准。烤饼试咗4，5种，每种都非常好食，最紧要系唔配其他喇就咁食都非好食，今次就试埋芒果拉茶，无论乳酪同芒果味都非常浓厚，系我至今饮过嘅最好味嘅芒果拉茶，而佢哋算系至今食过最好嘅印度餐厅，希望佢哋可以客似云来，咁我可以有多个地方开饭😋