飯意主題餐廳 (已結業)

综合水果茶 $33 (跟食品加配$20)一入口较淡，浸多阵茶香就渗出黎，配合火龙果，菠萝，提子，苹果等水果，果味几清新，而且有助中和腻感。 .烤大鸡脾扒. 浓汤芝士锅 $72一上枱亦配有一碗芝士，店员表示可以衬热放落去锅度，等佢融化😊。锅物包括饺子、年糕同米通粉，仲有一只大鸡肶。汤底方面，一入口觉得奶味几重，芝士味就不太觉啦，通粉份量颇多，K姐表示，如果主食叫辛辣面或者珍珠米可以较索汁。汤底加入芝士后会变得杰身，用黎点鸡肉食唔错。 .主题小食拼盘 $56有香辣米米肠、芝士烤菇、水牛城鸡翼、沙律、煎饺子同薯角。水牛城鸡翼味道酸酸甜甜辣辣，酱汁调得几惹味。米米肠里面包有红萝卜粒等，但就食唔出辣味。芝士烤菇就唔系就咁一块芝士放上去焗，而系加上吞拿鱼酱一齐焗，大蘑菇仍保留juicy而且柔软质感，呢个赞👍喔。 .招牌熔岩蛋浆饭 $56 黎呢度必点芝士🧀熔岩蛋浆饭！k黎亲都会叫😂，因为同类食品系其他地方食都唔平🙈，配料有洋葱、午餐肉、泡菜、紫菜等，重点当然系一大碗既芝士同蛋浆，将佢地倒落铁板再迅速同泡菜炒饭混合，见到一丝丝既芝士好满足，而且感觉今次芝士味较之前浓。