半島冰室

营业中

休息中

去开天后附近问地胆朋友有咩推介，佢第一时间讲呢间。两点左右去到，门口都好长龙。唔赶时间慢慢排，一个人等左廿令分钟入到去。餐牌好多野都几吸引，本来想食是日午餐沙嗲牛三宝饭，点知卖晒。即改茶餐B啲咖喱吉列猪扒饭。一上台粉仔哇左声，37蚊连饮品，𠮶块猪扒竟然大过块面。一切落块猪扒度发出嘅清脆响声，就知正野！果然炸粉唔厚，非常脆。猪扒有肉味，唔硬！少有咁高质嘅吉列猪，而且本来见咖喱汁唔多，怕唔够送饭。但大厨果然系专业，饭量同汁比例啱啱好！唯一少少失望系奶茶比较一般。但咁嘅价钱，咁嘅食物质素，仲有咩好嫌？加上客人好多，但服务态度都仲系好好。真系要畀个赞！餐牌仲有好多野想试，一定会再去。