M3 Italian (已結業)

香辣蒜片啤酒煮蚬， 一上枱个啤酒煮蚬劲香蒜味，初时仲以为用蒜片啲蚬就唔会咁新鲜啦，点知一啖食落口，蚬肉饱满多汁，仲系好新鲜嘅蚬先至会有咁饱满嘅，调味方面做啱啱好啦，辣辣地又够蒜味再夹杂少少啤酒味真系连汁都捞埋啊，正。台式辣肉肠薄饼，馅料有意大利辣肠，菠萝，灯笼椒，红洋葱同埋黑水榄，批底薄脆芝士丰富，辣肉肠微微偏咸，同菠萝啱啱好互补不足，加埋有我至爱既红洋葱真系好好食。鲜鱿鱼墨汁意大利饭，啲鱿鱼煎得好香，并无整到全熟，大约七八成既熟度，令中间仲保留住少少鲜嫩嘅感觉，虽然听落你可能会觉得太生，但系食起上嚟嘅口感真系唔讲得笑，真正做到外层烟靭，内层q弹既口感。墨汁饭够香伴有少少芝麻，不过记住食完要抹嘴啊，如果唔系就好似中咗毒咁架啦，另外仲钟意佢面头啲火箭菜，令到成个饭都好refreshing。美国牛柳配香煎鹅肝，鹅肝煎得好香，特别钟意佢面头红色切成细细既丁粒，酸酸甜甜，味道就好似法国红酒炖梨咁，同鹅肝好夹，不过如果个鹅肝再大块啲就好喇。牛柳嗌咗medium well，肉嫩多汁，超值。朱古力心太软伴雪糕， 任何主菜加70蚊都可以升级做set，会有多一个汤，面包同埋甜品。甜品我就拣左朱古力心太软