山謙

营业中

休息中

无煮晚饭就睇下有咩野食，就见到新北江新开业同试业中既店，望落价钱唔贵，就试下食拉面同小食。因为6点后禁堂食，所以要外卖自取返屋企食，点左个「吉列豚肉拉面＋浓猪骨汤底＋日式拉面再追加叉烧」「招牌烧鸡扒拉面＋浓缩辣芝士汤底＋韩国拉面」再加个炸薯条。首先，通常外卖既吉列豚肉会比较硬，但吉列豚肉比预期好食，真系外脆内软。再加上外卖盒系汤同拉面分开上下两层放，所以唔怕拉面会浸太耐，个猪骨汤调味适中，所以大人同小朋友都适合。到烧鸡扒拉面，鸡扒好嫰滑同好入味，鸡扒面会有小量既芝士，十分配合。因为怕太辣无选择地狱辣汤底，选择辣芝士汤底，口入第一下口唔觉得辣会有芝士味，但入左喉咙后有辣味到，辣同芝士配合得唔错。因为有小朋友想食薯条，所以点左个薯条食，估唔到十分足料，一大包薯条。