渣華軒 (已結業)

一大班朋友约食饭，有人提议北角食私房菜。所谓私房菜其实系喺市政大厦嘅熟食中心。中午做普通午市，小菜，碟头饭。夜晚就会做预订私房菜。 我哋根据老板介绍，拣咗款有拉斯维加斯蟹粥嘅菜单。$2680 （一至五）$2880（六日）共12道菜。✨古法滋补桑拿虾， 就系将啲虾放喺锡纸上面， 加啲圆肉杞子一齐整熟。其实就普普通通， 虾亦唔系特别新鲜。✨ 到我期待嘅海底椰杏汁猪肺汤。系有杏汁味 ，但系就好似净系得很杏汁味咁~~ 有点失望。✨ 到今日嘅重头戏 阿拉斯加蟹粥。蟹的确系好大只，份量足够， 咁大只蟹其实成本都唔平。叫做粥，其实好似饭仔咁，食一碗就好饱。系老板特登煮得稠啲既，因为要晾得起只蟹。蟹粥以为系会有蟹味，但其实系同蟹分开煮嘅。粥底佢用鱼仔嚟煮但系其实食得出有啲味精，又唔系特别鲜甜。 老板好热情成日出嚟打招呼又会亲自介绍菜式， 临尾又会攞啲道具出嚟，俾每一位客人戴上帮佢哋影相。 又会播音乐，好有气氛~~食物系好够份量，一大班人去食饭坐下聚下👌，食物亦有落本，可惜真系煮得一般，每人差不多二百五十蚊，我觉得真系唔值。