利寶閣 (已結業)

有几日假期无得出外地玩，所以同外母预先庆祝母亲节，佢好耐冇食点心，所以特别嚟呢度食点心自助餐。假日$168+加一收$22.8，茶位再收$15/位，总数为$206左右，一D都唔平，同外母来都无想过返本，只希望食多些点心款式。首先每人送一个鲍鱼挞及灌汤饺，饱鱼又淋又入味，摓底脆口蛋香丰富，有水准。但灌汤饺就差少少啦，个饺子表散晒，好在汤都唔错。虾饺及烧卖有惊喜，无因为自助餐而降低水准，虾肉多又结实，感觉新鲜。烧卖亦有少少弹牙。炸春卷及流心榴连炸弹都炸得唔错。其余的点心水准都一般，肠粉皮有啲厚。凤爪比较瘦身，无咬口，味道还可以。牛肉球感觉唔到牛肉味。炸虾饺炸到过了火喉，老过头。排骨有少少瘦，好在还淋身，但份量偏少。珍珠鸡米肉分离，散开晒。流沙包包皮太厚身。脆皮叉烧包等好耐才到，但食落完全冻。甜品有两款还可以：杨枝甘露及杏仁茶，最后食咗2碗杨枝甘露。原本对十胜红豆雪糕有期望，但同张相完全唔同，冇咗脆麻花。我估疫情原因，侍应人手紧张，上菜时间好慢，亦有漏单情况，有一半食物水准一般，以此价钱，性价比一般。