夜首爾

营业中

休息中

夜晚收工周围揾嘢食，行到呢一间见门口几特别走入去试吓。入面嘅员工唔知系咪韩国人，见佢哋讲韩文和英文为主，服务正常OK。店舖都很大，仲有楼上一层。2个人叫咗一碗鲍鱼粥和一个石锅牛肉拌饭，仲有共七小碟嘅前菜，各有特色，有一个类似菠菜卷蛋嘅较特别，之前未食过，感觉好健康。头一转嘅前菜唔需要收费，如果再加嘅话就要加$30 ，感觉都好抵。鲍鱼粥，每一粒米都软绵绵，配上紫菜，好新鲜浓厚，好食！石锅牛肉拌饭，比一般出边嘅韩国餐厅较大锅，锅底有层好厚嘅饭焦，加上韩式辣酱好惹味，想推介一下佢碗萝卜汤，好清新好清甜！