霸王山莊

营业中

休息中

放假同屋企人食饭就揾左呢间食上海菜既试下。叫左三个冷盘，上签口水鸡，味道唔错，麻辣口味，不过以份量嚟讲，价钱就有d贵，唔算特别出众，就系一般口水鸡既味道。另一个冷盘，三色拼盘，都系无乜特别，个仓鱼系冻既反而唔系咁好食。镇江水晶肴肉，之前系杭州食过觉得好好食，所以特登叫嚟试下。食落去唔会好油，入口即溶，不过我就觉得佢个皮太厚，而且仲食到d毛，破坏口感。主菜方面就叫左招牌既北京烤鸭。食落真系有d失望，个皮一d都唔脆，d肉又韧...黑醋小排骨，觉得有d太甜。上汤蒜子浸翡翠苗，我自己本身就好钟意食翡翠苗，所以觉得唔错，但有屋企人唔钟意佢阵草青味，所以食完就扁晒咀。总括而言，就系性价比唔高，菜式好一般，但价钱就比较贵，当然系尖沙咀食野就一定偏贵，如果想食上海菜，可以有更好既选择。