川婆婆 (觀塘廣場)

营业中

休息中

话说自从爱上左酸菜鱼就会定期去食下川菜，放工行过观塘广场，而今晚又吾想煮饭，所以就打包外卖同屋企人一齐试下。餐厅都几多人，菜式选择都好多，拣左椒麻鱼，水煮鱼，麻辣小香锅同埋麻辣豆腐串。椒麻鱼系列一碗份量都好多下，鱼肉细嫩，配埋薯粉，娃娃菜，海带，大豆芽😍汤底味道浓郁。水煮鱼系列都系配有薯粉，娃娃菜，海带，大豆芽，鱼肉鲜嫩，加上海带大豆芽的爽脆口感，同埋麻辣既刺激，我更喜欢哩个。杂锦干锅配饭呢个啱晒重口味嘅我，入边有唔同嘅配料，例如莴笋，莲藕，午餐肉，肉类等，蔬菜同肉类都好食，而且每样有啲，又唔会太油👍麻辣豆腐串麻辣烫既感觉，吸晒𠮶啲麻辣嘅汤汤汁，劲好食，不过对我嚟讲都几辣下，但系又好过瘾。川婆婆口味偏向川风味，辣味重，店员服务好，而且价钱性价比高。