人人和平小飯店 (已改名) 查看

超抵食嘅和平饭店😆，呢个二人餐只系🔥$538/2🔥，就有五𩠌一汤，啲卖相睇落去都唔错，餐厅面积唔算好大，几乎都满座，除咗套餐之外仲有多款小菜，虽然位置比较偏，附近都冇咩餐厅，不过胜在住宅多，食物质素都唔错👍🏻👍🏻🦆荔枝柴烧新会古井烧鹅（上庄）（升级至下庄+40) :睇落色泽唔错，都比较有光泽，又唔干，肥瘦均匀，我哋加钱转左下庄，不过食落就比较普通🤔，冇乜特别，柴烧都唔系好觉有😩，但价钱嚟讲算系唔错🦀金汤芙蓉带子蟹肉羹 :通常中式菜都会有一个汤羹,二人份量大概可以有三碗度，都算足料👍🏻，真系有带子粒同蟹肉，味道比较淡，但我觉得还可以🥘杂菌鲍鱼海参豆腐煲 :火候唔系好够，里面有迷你鲍鱼同迷你海参，豆腐比较多，芡汁咸度刚好，但都唔系好入味🤔🤔🦐胡椒香焗马达加斯加海中虾 :呢道菜比较失望，伴碟好普通😒，听个名好似好有气势咁，但其实食落都系雪藏虾一只，肉质虽然新鲜，但唔够爽😩🥬鱼汤鲜茄泡青蔬 :另外加咗一度菜，清清地唔错🍲榄菜肉松炒饭 :都系冇乜镬气，不过色泽唔错，配料都算多，食落味道几夹，榄菜够晒新颖，整体二人餐好够饱，份粮都足😋😋