荷華庭園景餐廳 (已易手) 新餐厅

无端端水都无带走咗去行山，虽然简单易行，行完都好鬼肚饿 🤣🤣🤣 呢个时势个个都去郊外行，沿途餐厅都要等位，我哋咁饿梗系撇啦，去到呢度有位就谂都唔谂坐底叫嘢食啦 🤭一坐底佢哋好好先比张餐纸你放好口罩架。我哋叫咗 2 个午餐，头盘拣咗三文鱼沙律同西班牙火腿并蜜瓜，三文鱼份量算多，沙律菜都新鲜，反而西班牙火腿同蜜瓜都淡味。主菜叫咗个黑松露海鲜意粉同烧猪肋骨，意粉好足料好多菇，但个猪肋骨就好失望，完全唔入味，啲肉又鞋口 🤦‍♀️甜品跟餐个椰汁红荳糕好香，但我见隔离台加钱换个梳乎里我又身痕跟，由于最少要 2 份先做，所以原本想要姜汁味唔得，要痴隔离台嘅 Vanilla 味，上台好香，但食落好湿。 。 。试过就算吧！午餐无餐饮跟，呢度环境尚可，但价钱比较贵，相对大尾督一带餐厅呢度性价比输晒。