農耕記 湖南土菜 (好運中心)

营业中

休息中

第一次食好运中心呢间农耕记，但真心觉得性价比唔高，上菜速度超慢，同埋服务质素好一般。真系好失望！今日虽然假期，不过好彩都好快有位。但系对上菜速度好失望，仲耐过我等位。我哋一共叫咗四个𩠌，叫咗鲜炒黄牛肉，干锅酸菜肥肠，鱼汤白豆腐同条根白炒油渣。菜同鱼汤白豆腐嘅上菜速度都算系正常，大概落单后10分钟内就上咗，但之后碟黄牛肉系两碟𩠌都上咗15分钟后先上。最离谱系碟干锅酸菜肥肠，系等到我哋食完三碟𩠌先上。我哋食完三碟𩠌见干锅酸菜肥肠仲未上，就叫店员去催下，因为我哋其他𩠌都食晒。店员催完就同我哋讲系因为厨房漏单，要我哋等多15分钟，依家炒紧。我哋就同店员讲我哋落单到依家都等咗差唔多半个钟，而且落单之后仲有店员同我哋confirm过可唔可以改小辣，因为我落单时写咗免辣但佢哋做唔到免辣，只可以小辣，咁我哋都接受咗话Ok。但点解到头来居然会漏咗张单呢？店员小姐就同我哋讲话佢哋厨房经常性会漏单，好难避免。咁即系代表漏单系你哋餐厅经常性会发生嘅问题，点解你哋唔去改善呢个问题，反而会要求客人去接受你哋嘅问题呢？ 我唔理解啰！最后我哋碟酸菜炒肥肠系距离落单时间差唔多40分钟先上，真系太夸张！饭亦都系好迟先上。