鮨政 (已結業)

见佢咁多like,又系中环嘅日式餐厅,又有得食寿司丼,真系好想去试下。几个靓女陪我一齐去lunch,充满期待去试下啦。有刺身,有海胆,有三文鱼子,都系我嘅至爱,谂住一定好满足,就叫咗个定食。定食嘅沙律同蒸水蛋先上,味道合格。轮都寿司丼,卖相真系一流,以为好正! 点知觉得海胆个鲜味冇想像中咁鲜,三文鱼子又有啲怪怪哋,唔系咁真嘅感觉?!其他三文鱼又或者吞拿鱼、蟹柳…等都系一般般咋㖞,但系价钱就唔一般啰,每人二百几,我觉得值百几,所以性价比唔高,完。