Terrace in seaside (海運大廈)

营业中

休息中

2个人星期二晚市去食，差唔多坐满但唔洗等位，总共叫左2杯野饮同2样野食。唔知点解d侍应姐姐好中意堆埋同一个方向做野，要等运到趁佢地望向另一个方向先落到单，但佢地态度ok 既。出餐都算几快，食物我本身谂住呢间野走打卡路线所以都预佢偏细。第一样黎既系玫瑰酱大虾扁意粉，辣味唔重，偏茄味多d，意粉份量正常偏少，算系不过不失。第二样系芝士辣炒鸡肉，佢系多汁果款辣鸡，辣度可以话冇乜，上面铺左少少略稀既芝士，鸡大概有十细旧，仲有四条年糕仔。重点系，d鸡真系好咸好咸好咸（重要事情要讲3次）。我地特登斋试个汁同其他食材发现咸既系鸡肉本人，因为好肚饿又唔想浪费食物所以焗住都食哂佢，咸到我埋单走都忍唔住同番个店员讲你地碟野好咸。埋单四百几蚊，其实系食唔饱，性价比极低，唔会encore。