淥鼎記

营业中

休息中

几年前食过印象ok，今次再去食觉得退步左。宜家得一个set，$388无限时加一，但食到22:30，包一个主菜一盘刺身一set海鲜一盘靓牛系无得任食，其他野app落单/出面自己拎。首先送果盘牛肉得个样完全无肉味，我地都无食哂。送果碟虾小食都又系无虾味，靠少少面头调味粉，见好多枱都放喺度无食。饺子皮厚馅少，系海鲜好D，有蚝，带子，虾，沙白都好食，但鲍鱼都系无味。其次出面拎嘅野食fill得好慢，成日要行几次先拎到想食嘅野。最过份系原来出面D野饮系唔会fill。佢唔甜嘅野饮得罐装soda water，枝装水同一壸壸嘅冻红茶，但所有野饮从来无fill过，晏左入坐更加系无乜选择，问过店员话佢地唔会fill野饮。最后问店员可唔可以俾枝水，佢都要问完经理话无，只可以斟杯热水俾我，都唔紧要，我地5个人想要5杯佢都只系用个大少少嘅杯斟一杯俾我自己拎返埋位……任饮任食呢个质素唔会再去，同区有更多选择。