影片
更多
2024-05-03
92 浏览
呢间之前睇过啲片，话喺一间性价比好高嘅日本过江龙日式西餐，特别话啲甜品同埋和牛汉堡好出色，所以见今晚天气比较稳定就放工过嚟开餐啦！1）唐扬乌贼 $58前菜叫啲香口脆炸小食，唔太大份，每人两三条份量啱啱好。口感脆得来个脆浆唔会好厚，鱿鱼唔韧，洒上啲七味粉，同唧啲柠檬汁令到个味道再升华，惹味、开胃！2）照烧鸡扒配月见汁 （套餐价$176/单点 $128）咁啱今晚最后一份美国牛扒就卖晒啦，今晚无缘试牛扒，见餐牌推介呢个鸡扒，而店员亦都推荐，呢个卖相唔错，上碟系跟个月见汁，即系日本生鸡蛋沟照烧汁。呢个食法好特别，配菜系炸得好香口好新鲜嘅幼薯条，系我最钟意嘅配搭！鸡扒脂肪唔多，皮同肉相连，一啲都唔「鞋」，配埋个月见汁好匹配！套餐价可拣多两款配菜，就拣咗跟汤同埋饮品。饮品都有好多选择：有咖啡同埋梳打特饮，梳打特饮就要加$10，咁我就拣咗个甜度高少少嘅佐贺温州柑梳打。个汤就冇得再拣红汤或白汤，就系跟当日指定嘅，今晚就系粟米汤。温州柑梳打特饮口感好清新，话甜都唔系真系好甜，正！3）甜品时间：八女抹茶多士 $138呢个甜品一摆上枱，简直系震撼我哋嘅眼球！摆盘好靓，好打卡-able!仲要系好 ——好——食
1）唐扬乌贼 $58
前菜叫啲香口脆炸小食，唔太大份，每人两三条份量啱啱好。口感脆得来个脆浆唔会好厚，鱿鱼唔韧，洒上啲七味粉，同唧啲柠檬汁令到个味道再升华，惹味、开胃！
2）照烧鸡扒配月见汁 （套餐价$176/单点 $128）
咁啱今晚最后一份美国牛扒就卖晒啦，今晚无缘试牛扒，见餐牌推介呢个鸡扒，而店员亦都推荐，呢个卖相唔错，上碟系跟个月见汁，即系日本生鸡蛋沟照烧汁。呢个食法好特别，配菜系炸得好香口好新鲜嘅幼薯条，系我最钟意嘅配搭！鸡扒脂肪唔多，皮同肉相连，一啲都唔「鞋」，配埋个月见汁好匹配！
套餐价可拣多两款配菜，就拣咗跟汤同埋饮品。饮品都有好多选择：有咖啡同埋梳打特饮，梳打特饮就要加$10，咁我就拣咗个甜度高少少嘅佐贺温州柑梳打。个汤就冇得再拣红汤或白汤，就系跟当日指定嘅，今晚就系粟米汤。温州柑梳打特饮口感好清新，话甜都唔系真系好甜，正！
3）甜品时间：八女抹茶多士 $138
呢个甜品一摆上枱，简直系震撼我哋嘅眼球！摆盘好靓，好打卡-able!仲要系好 ——好——食！ 啲白色丸子超新鲜，非常软糯，点埋啲红豆粒酱超好食！八女抹茶雪糕唔会好甜，系自家雪糕机整嘅，带偏回甘嘅天然茶味，所以最后伴碟嘅枫糖浆都唔需要用到。
餐厅店员态度非常友善，会好细心同你讲解吓啲食物边啲系推介嘅，同埋会识得帮我哋做食物配搭，咁样就唔会怕食唔晒唔浪费食物。
P.S. 原来啲雪糕系可以做甜筒外卖㗎，我哋用餐嘅时候就望到门口有几个walk-in食客喺门口买咗两支甜筒即刻拎走食，又几好㖞！
唐扬乌贼
4 浏览
0 赞好
0 留言
套餐跟汤同饮品
1 浏览
0 赞好
0 留言
2 浏览
0 赞好
0 留言
照烧鸡扒配月见汁
0 浏览
0 赞好
0 留言
右边系打匀循咗嘅月见汁
2 浏览
0 赞好
0 留言
八女抹茶多士
4 浏览
0 赞好
0 留言
张贴
