影片
更多
2022-09-15
958 浏览
前排喺IG story见到朋友po左佢去呢间位于将军澳Popcorn商场嘅烧肉餐厅「Running 烧」用餐嘅相好似好吸引，就inbox 问佢用餐体验系点。虽然同呢位朋友唔算好熟，但平时见佢ig成日po食好西嘅相就知道佢系吃货。朋友对餐厅嘅feedback非常正面，原来佢系回头客，除左大赞肉类同海鲜选择多同埋餐厅服务好之外，仲话之前都未有流水虾缸！讲到咁好，就一于book位试试佢！当晚去到餐厅，店员好有礼貌咁帮我地安排座位。餐厅几阔落，而且油烟味唔会好重。另外，落单系用qr code嘅，个落单介面分类都好清晰，食物选择好多！值得一赞嘅系餐厅系用食物件数黎计嘅，方便我地预每次下单嘅分量！至于蔬菜类就喺外面自助区任攞，选择都几多架。喺我地落单之际，店员攞左个冰桶同夹，原来系for我地捉啲流水大头虾用嘅！流水大头虾最近好流行，一直想试都未有机会，今次梗系要食返够本！啲虾喺个缸里面仲游紧水，梗系新鲜啦！不过好似我呢啲新手捉嘅虾时候要小心，因为啲虾会跳架！用啲咁新鲜嘅虾黎烧烤，味道梗系一流啦！俾大家睇下几正～除左流水虾呢个亮点，Running烧其他食物都好几唔错。我地牛肉、猪肉、鸡肉、羊肉同海鲜
前排喺IG story见到朋友po左佢去呢间位于将军澳Popcorn商场嘅烧肉餐厅「Running 烧」用餐嘅相好似好吸引，就inbox 问佢用餐体验系点。虽然同呢位朋友唔算好熟，但平时见佢ig成日po食好西嘅相就知道佢系吃货。朋友对餐厅嘅feedback非常正面，原来佢系回头客，除左大赞肉类同海鲜选择多同埋餐厅服务好之外，仲话之前都未有流水虾缸！讲到咁好，就一于book位试试佢！
当晚去到餐厅，店员好有礼貌咁帮我地安排座位。餐厅几阔落，而且油烟味唔会好重。另外，落单系用qr code嘅，个落单介面分类都好清晰，食物选择好多！值得一赞嘅系餐厅系用食物件数黎计嘅，方便我地预每次下单嘅分量！至于蔬菜类就喺外面自助区任攞，选择都几多架。
喺我地落单之际，店员攞左个冰桶同夹，原来系for我地捉啲流水大头虾用嘅！流水大头虾最近好流行，一直想试都未有机会，今次梗系要食返够本！啲虾喺个缸里面仲游紧水，梗系新鲜啦！不过好似我呢啲新手捉嘅虾时候要小心，因为啲虾会跳架！用啲咁新鲜嘅虾黎烧烤，味道梗系一流啦！俾大家睇下几正～
除左流水虾呢个亮点，Running烧其他食物都好几唔错。我地牛肉、猪肉、鸡肉、羊肉同海鲜全部都叫左少少黎试。肉类腌得几入味，我特别推荐牛舌、西施牛同埋猪颈肉呢三样！至于海鲜更加系回本位，因为除左有烧蚝任食之外，更加有原只鲍鱼！
甜品同饮品选择都颇多，雪条居然有dryers！
总括而言，Running 烧性价比非常高，食物质素好，服务殷勤。下次会再来！
张贴
