兄弟邦

营业中

休息中

呢一间餐厅，早餐做港式，午餐做日式，多元化到好切合香港呢一个社会。佢嘅早餐好特别，你可以拣蕃茄汤底或者忌廉汤底！我最钟意就系蕃茄汤底配沙嗲牛肉意粉，佢嘅沙嗲酱特别浓，浸左落个汤都依然有沙嗲嘅余香！而且你见到佢既外卖碗，比一般茶餐厅嘅大！早餐仲会配埋一块香草面包同埋炒滑蛋。块香草面包系用煎pan煎出嚟，并不是用焗炉，所以佢嘅牛油味更加出，但当然都相对地比较油。饮品方面，你可以加几蚊转鲜榨果汁，同时间，呢一间嘅咖啡都非常好饮，值得推介！呢个早餐大件夹抵食，有时我去到两点都未肚饿㗎！不过堂食就要注意一下佢嘅抽气扇有啲弱，所以一入门口就会闻到好大浸油烟同牛油味。