牛極 (彌敦道)

营业中

休息中

今日过开嚟庙街揾师傅指点迷津，佢指定之前就想揾了医下肚先，见对面岸新开左间牛极，见咁耐冇食过就入去试吓啦。呢间新开嘅环境几企理，感觉上好似阔落啲，照旧都系白饭沙律靓汤任装。另外佢哋仲好贴心咁挂晒啲围裙喺度，俾你有需要就自己攞。我就嗌咗个牛柳，我觉得三只酱料入面，最好食系佢只辣椒酱，佢个辣椒酱少少咸咸地又唔会真系好辣，同啲牛都好夹味。啲肉都好腍，一啲筋都冇，啖啖肉咁，最钟意喺呢度食系几多成熟自己控制。但系其实牛嘅嘢唔使太熟，所以切开嚟煎两面就已经可以食得。另外仲有就试咗佢个牛肩肉，呢个肉仲加好食，除咗好腍之外，佢本身好似调咗未咁，咩都唔使点已经食到佢唔香牛味同埋肉嘅鲜味。切开中间仲见到佢啲雪花纹添。不过因为我太兴奋太肚饿，所以手都震埋。最重要系咁高质嘅牛扒，价钱十分相宜。