常滿百家菜

营业中

休息中

唔觉唔觉又2024年，今日同一家大细嚟咗呢度食晚饭，要咗个任饮任食火锅点心套餐，一个人只需要$198，仲可以食足5个钟，如果大胃王过嚟食嘅话一定好抵😂 点心选择超级多，有成20款左右，有蒸亦有炸，我哋样样叫咗少少试吓味道，值得一赞嘅喺呢度可以逐件逐件叫，按返人头咁样食就唔怕浪费啦！我最钟食小笼包、虾饺皇、鲜虾烧卖皇同鲜竹牛肉球。小笼包望落个样一般，但系食落竟然会爆汁，而且个皮够薄身，好有惊喜。虾饺皇果然真系虾饺皇，因为入边有成三至四粒大大嘅虾，出边未食过咁多虾嘅虾饺，仲要系爽口弹牙嘅😱烧卖同样好鬼大粒，唔粉，有肉，好正、牛肉球真系不得之了，传统怀旧味道，我哋食到舔舔脷，好癫呀，呢个价钱出边真系食唔到🥹 等紧点心嘅同事可以食火锅，有鸡煲亦可以要单锅或者鸳鸯锅，自助区有蔬菜同埋丸子可以攞，牛肉啊，其他𠮶啲就tick纸，overall质素都唔错，见啲人系咁攞，讲真食完一轮点心已经爆咗七成都唔系食到好多火锅🥱会encore。