小城大廚

营业中

休息中

觀塘工廈真係隱藏住好多美食，平日夜晚都好熱鬧，睇返餐牌，菜式選擇好多，小菜、火鍋都有，價錢唔貴，性價比幾高～兩碟前菜都係free嘅，青瓜同雲耳，口感唔錯，幾開胃～紅燒乳鴿，新鮮即炸，熱辣辣，好香口，肉質幾嫩滑，味道唔錯😋清蒸沙巴龍躉，是日特價菜式，$98一條，一斤左右，蒸出嚟都幾大條，睇落好新鮮，蒸嘅時間啱啱好，魚肉好滑，又唔多刺，送飯一流招牌小炒王，炒得好有鑊氣，有韭菜、蝦仁、蝦乾、魷魚、炸銀魚仔、腰果及菜脯，材料好豐富，一齊炒，好惹味，口感豐富！