桃子Cafe (已結業)

我地叫左白汁明太子海鲜意粉餐、咖喱汉堡蛋包饭同埋和风杂菌芝士蛋包饭。好快就黎左个栗米汤，心形既碗非常吸引，急不及待饮第一啖热辣辣既汤，栗米汤有栗米粒，低脂，食到粟米粒嘅真味，系（开多左水嘅）家的味道。和风野菌芝士蛋包饭道好健康，少盐，少调味料，清淡到冇味道既蛋包饭第一次食，令人非常惊艳清新。白汁明太子意粉好juicy，juicy 到我以为食紧汤意粉。食左一啖，系有淡淡明太子味，但系可能太健康，食唔到唔到好滑好浓郁嘅白汁味，太juicy 了。咖喱汉堡蛋包饭比较唔特出，感觉冇上面提到嘅饭咁健康，比上面嘅饭/意粉浓味少少，冇打茨。汉堡有啲脆皮，外脆内软，好贴心咁吹至可入口嘅温度先上菜。滑蛋系滑嘅，但都系好健康。甜品系卜卜脆红豆奶冻，擦新左我对红豆嘅理解，系红豆形状嘅爆珠，个奶冻有药水味，令我地感觉到呢个奶冻嘅特别总结，份量够大，可以免费加饭，但一定冇下次，难食到一食完用左一个钟黎谂点打呢篇食评。