Red Mamma Mia

营业中

休息中

呢间商场嘅餐厅成日喺屋企感觉都系好贵唔抵，但系咁啱经过，见到呢间餐厅嘅装修好靓，望一望Menu，原来价钱一啲都唔贵，咁就一于嚟试吓啦。呢度嘅装修比较简单，但系座位好阔落，坐得好舒服，两个人都可以坐一个大嘅圆形卡位，好适合打卡。一开始我哋就叫咗呢个烟三文鱼沙律，一上枱真系好惊喜，佢竟然系用下午茶嘅三层塔嚟装，真系好适合女仔打卡。而且佢嘅烟三文鱼唔会太咸，越食越开胃。我认为最好食嘅就系呢个慢煮猪排，佢嘅调味好出色，衬埋个猪扒真系好夹，而且猪扒食落唔会太硬，煮嘅火候啱啱好，真系好值得一试。而且佢嘅薯条都炸得好香脆，衬埋猪扒食真系一流啊。另外我哋仲叫咗呢个海鲜龙虾意大利粉，估唔到咁大兜，性价比好高。而且佢嘅海鲜都好新鲜，只龙虾仲要非常大只，而且仲有唔少蟹膏，虽然得一只但系都可以分两个人食，非常推荐大家都叫呢个嚟试吓。呢间餐厅食物质素高，而且又抵食，喺呢个商场度应该系性价比最高嘅餐厅。