鮨本

营业中

休息中

识得食omakase一定系拣晏昼时段过嚟，价钱经济又实惠。餐厅系由朋友介绍，佢特别推介玉子烧，反而唔系寿司，所以令我非常难忘，所以就决定品尝呢一间餐厅。-一入到餐厅，餐厅内大约有20个位以内，感觉私隐度极高。而且侍应亦都非常主动帮忙，好热情。师傅第一道俾我哋睇嘅系玉子烧，外型似足古早味蛋糕，非常可爱。$750嘅餐单里面包含了两个酒肴菜式，分别系生蚝及𩽾𩾌鱼肝，鱼肝质素非常高，香甜可口，比起我之前食过嘅苦涩味完全冇㖞！-首个头盘就系茶碗蒸，茶碗蒸上面嘅用料充足，特别钟意佢嘅蟹柳，蛋亦都好滑身。钟意食拖罗嘅朋友，一定唔可以错过， 10款寿司里面有两款系拖罗，分别系野生大拖罗及中拖罗寿司。而我特别推介系赤中海老寿司，虾身好厚，而且肉质亦都好实，每咬一啖虾肉汁就会喺口中慢慢消逝，非常可口。-另外寿司有几款亦都经过昆布腌制及用稻草烧过，味道更加丰富，系口中徘徊嘅时间更加耐，令到我需要饮几啖茶先至品尝下一道寿司。-最后玉子烧放置最后，可能师傅都觉得好似甜品，佢嘅质感非常似蛋糕，要做到咁多层次嘅玉子烧，一定好考师傅嘅功夫！最最最后有汤及甜品雪糕，雪糕我拣咗开心果雪糕，味道非常特别，清新可口！