京城鴨子 (已結業)

位於好時中心嘅京城鴨子裝修不算豪華但有品味，感覺舒服。未點菜就有一碟免費嘅前菜， 有海踅、肴肉同青瓜，好味！ 點左佢哋嘅set lunch，兩件片皮鴨可以自己揀配料同醬，建議試埋花生醬，都好正賣相好靚！麵嘅選擇多，有湯有撈、有辣有唔辣，麵條非常出色，煙韌得嚟唔會太硬，粗幼度亦非常適中。 擔擔麵花生味濃，肉碎都唔少，少少辣，正！ 鴨絲蔥油撈麵唔會好油，鴨絲無「行」味，推介！👍鍋貼同小籠包一樣皮薄多汁，無得彈！😍😍埋單每位$86，$6係茶錢，唔收加一。🥳咁嘅價錢喺lunch time食到片皮鴨同咁豐富嘅lunch set真係好有驚喜，大家一定要試🤓🤓