新竹源越南餐廳

营业中

休息中

朋友好钟意食越南菜，今日又去试吓呢一间位于湾仔嘅新竹县越南餐厅～假日都有午市套餐㗎！午市套餐有大概20几款，有汤粉丶捞檬、饭类 ，选择好多～ 我就叫咗个生牛肉拼牛坑腩汤粉，汤头系用上上等牛骨丶牛腩加上香茅等十多款香料，非常鲜甜！生牛肉切得好薄，汤头浸一浸已经好快熟 ，味道啱啱好，唔会过老非常正！牛坑腩就好淋好好食，有牛味😋每一碗附加左九层塔丶青柠同埋辣椒🌶️，自己调校最适合嘅口味🤪朋友就叫咗个越式金边汤粉，配料有扎肉丶鲜虾同肉碎，汤头系鸡汤，非常清甜唔会过咸，再配上新鲜嘅材料，超级正！跟住我哋再叫咗个小食越式蒸粉卷，一客有四件，大大件超级饱满🥰馅料有萝卜丶肉碎丶木耳丝等等，配上鱼露鲜汁，非常开胃每个午餐都包含饮品，要咗两杯咸柠檬水，饮落去非常舒服😌呢度每个餐都系大概六十零蚊，仲要唔收加一～性价比极高！❤️