瓏苑

营业中

休息中

呢一间位于蓝田嘅街坊酒楼价钱平到有啲得人惊，但系质素一啲都唔输蚀㖞，好似呢一个迷你冬瓜盅为例， $108一份，都有七至八碗，入面有瑶柱夜香花金华火腿带子片等材料，一啲都唔会将价就货，呢啲人少少嗌就啱晒，唔使惊巨型冬瓜盅食唔晒。另一样，超值食品就系呢个乳猪仔， $338有成只乳猪，仲使乜咁辛苦北上消费呢！呢只乳猪一啲都唔肥，唔使一边食，一边咬走啲肥膏出嚟，烧到皮脆肉滑，性价比极高。甜品试咗姜汁枣蓉糕，有姜味有红枣味，热辣辣味道都几好。