河內越式料理 (村南道)

营业中

休息中

夜晚8点几系大围附近求其入间餐厅食，见到呢间越南野好多人，就试下。menu都好抵食下，有d二人套餐系可以拣2个主食，小食同嘢饮。我地叫左生牛肉pho，牛三宝pho，炸春卷，炸虾饼同软壳蟹米纸卷，好饱啊然后埋单每人都系百几蚊左右。牛三宝pho有牛展，牛丸同生肉，份量十足。河粉系正宗越式河粉，唔系港式捞左油果d。汤底牛骨味十足，加埋台面d调味仲提升左味道。几肯定个牛骨汤无落味精，饮完唔会口干。炸春卷同炸虾饼2样都好食，属正常发挥。我地仲叫左软壳蟹米纸卷，软壳蟹炸得香脆，包埋米纸卷同d菜减少油腻感，都系好唔错。整体食物质素好唔错，d 侍应姐姐服务态度都好好，呢个价钱味道唔错而唔洗受茶餐厅服务，去边度揾啊。