影片
更多
2018-09-28
3541 浏览
都好几个月没有出食评了，因为近排都爱上自己煮食，咁今日就系一个好好朋友生日，我真系念左好耐都念唔到食咩呀，于是就将念食咩e个艰难决定交左俾个厨师，即系厨师发办啦！Omakase ，经朋友介绍及再三推介下，推介了菊月町，好啦，既然系食家推介，咁就试下啦！打电话去book位啦！好彩有打去book 位呀，去到之后原来爆晒场，餐厅唔系好多位，20个左右啦，而装修都几靓，好有气氛，而我地就被安排左系bar位，可以睇下师傅煮野食，超正。咁我之后望完menu就选左个1100一位嘅厨师发办啦！等左大约10分钟左右，因为师傅都真系几忙，第一道菜就系我最爱嘅生蚝啦，师傅会逐个介绍，首先就系法国蚝，之后就系澳洲蚝，两只蚝都系好鲜甜，啖啖肉，而我个人就比较喜欢法国蚝，真系好鲜甜，好有蚝味。食完蚝之后就到左口鱼刺身啦，师傅另外安排左块盐板，然后就将刺身放系上面，我地就扫一扫之后食啦，真系唔同d, 鲜甜得黎加少少咸味，弥补鱼唔够味嘅不足，坚正。之后系深海池鱼，师傅话系时令鱼，唔系成日有，好厚切，食落去好有口感，而且鱼肉非常弹牙。食完之后又到另外一款时令鱼啦，金木鲷刺身，讲真，平时刺身都系三文鱼，吞拿鱼果d，一时间
Omakase ，经朋友介绍及再三推介下，推介了菊月町，好啦，既然系食家推介，咁就试下啦！打电话去book位啦！
好彩有打去book 位呀，去到之后原来爆晒场，餐厅唔系好多位，20个左右啦，而装修都几靓，好有气氛，而我地就被安排左系bar位，可以睇下师傅煮野食，超正。咁我之后望完menu就选左个1100一位嘅厨师发办啦！
等左大约10分钟左右，因为师傅都真系几忙，第一道菜就系我最爱嘅生蚝啦，师傅会逐个介绍，首先就系法国蚝，之后就系澳洲蚝，两只蚝都系好鲜甜，啖啖肉，而我个人就比较喜欢法国蚝，真系好鲜甜，好有蚝味。
食完蚝之后就到左口鱼刺身啦，师傅另外安排左块盐板，然后就将刺身放系上面，我地就扫一扫之后食啦，真系唔同d, 鲜甜得黎加少少咸味，弥补鱼唔够味嘅不足，坚正。
之后系深海池鱼，师傅话系时令鱼，唔系成日有，好厚切，食落去好有口感，而且鱼肉非常弹牙。
食完之后又到另外一款时令鱼啦，金木鲷刺身，讲真，平时刺身都系三文鱼，吞拿鱼果d，一时间有咁多未听过嘅鱼食都真系几兴奋，金木鲷我觉得系较为有鱼味呀！鲜甜就只只都鲜啦！
之后就到凹贝啦，e个感觉上就无咩特别，可能系成日食啦，不过都真系几有口感，食落去好弹牙同好有鲜味。
之后就到生带子啦，同平时食带子寿司果d带子感觉上系完全两班咁样，e个生带子系超级新鲜，带子味浓沃，超有带子味，点少少芥辣真系一流。
之后就到中拖罗出场啦，师傅再放上一些金箔，贵气十足，食落去好香鱼油味，入口即溶，味道甘甜。
之后就系牡丹虾加上鱼子酱，鱼子酱是海中其中一种令人趋之若鹜的珍品，味道甘纯，而牡丹虾味道甘甜，味道非常夹。
北海道海胆，非常鲜甜，同我去日本食果d即开海胆味道完全系一模一样，令到我又想去日本了。
之后就系到铁板烧菜式出场啦，首先说系金鲷鱼，师傅就连皮一齐煎，佢话要一齐食，食落去就真系好有惊喜，d鱼皮好脆身，鱼鳞好爽口，第一次试到咁样嘅口感，佢话系季节性，唔系成日有的，之后就系龙虾同埋和牛出场啦，我唔记得影相，唔好意思，师傅煮嘅时间系刚刚好，牛肉绝对系值得一赞。鲍鱼就非常新鲜同埋弹牙，我同我朋友都赞不绝口。
跟住就系玉子烧啦，系热食呀，玉子烧系师傅自己整呀，食落去同出面食果d完全唔同感觉，好香蛋味，同埋我都真系好少系热食，另有一番风味。
最后就系食寿司填饱个肚啦，不过其实之前食果d都已经好够饱啦，寿司大约有5至6款，最令我印象深刻都系果款芽葱寿司同埋竹甲鱼寿司，芽葱寿司好新鲜嘅感觉，竹甲鱼寿司就系师傅好似帮女仔鬓辫咁样整俾我地，最后食埋过日本哈密瓜就真系大完满啦。
最后间餐厅俾我感觉系虽然地方唔系好大，坐系吧枱，但俾我感觉系服务非常亲切，师傅每一道菜都会用心讲解，同埋非常卫生，因为你会系睇住佢点整，价钱方面性格比非常之高，我个人觉得非常值，因为可以食到好多高级食材，有机会一定会再去。
张贴
