影片
更多
2022-04-23
544 浏览
🌟🌟🌟🌟🌟🌟🌟🌟🌟🌟🌟🌟🌟🌟🍽 鮨境 (铜锣湾)📍铜锣湾骆克道459-461号THE L SQUARE 20楼🌟🌟🌟🌟🌟🌟🌟🌟🌟🌟🌟🌟🌟🌟众所周知我非常之钟意食厨师发板，之前朋友向我推荐左呢一间佢食过话几好食，所以就去试吓🥰位于铜锣湾L square，呢一幢嘢都有唔少美食呢😆既然系朋友推荐得，唔使谂啦，一定系嗌最贵嘅𠮶个套餐，应该都唔会惊有伏🤪营 Ei HKD1380前菜 • 刺身7款•季节料理1款 •寿司贯 • 汤 •甜品我认为呢个 set都算抵食$1400唔使就有7款sashimi仲有埋季节料理，而出面其他厨师发板未必可以食到平系冇用嘅，质素系点样先至系最重要😏头盘嘅日本南瓜煮、海哲、小女子已经令我好期待后面，因为食材处理得好好，有突出到原本食材嘅新鲜，小女子我之前食过几次，系一款好似梭子鱼仔咁嘅嘢，师傅同我讲返佢嘅学名其实系玉筋鱼呢！北海道毛蟹嚟自北海道嘅毛蟹非常矜贵，新鲜到极致，食落去每一啖肉都系好满足。活赤贝去到上枱果一刻都见到活赤贝微微收缩，趁机放入口，用那一咬，就食到佢极为爽蛋嘅口感，配上鲜甜贝汁，令人回味😋缟池鱼有睇我文章嘅读者，应该都知道我系深海池鱼王嘅忠实拥趸，缟鲹
🍽 鮨境 (铜锣湾)
📍铜锣湾骆克道459-461号THE L SQUARE 20楼
🌟🌟🌟🌟🌟🌟🌟🌟🌟🌟🌟🌟🌟🌟
众所周知我非常之钟意食厨师发板，之前朋友向我推荐左呢一间佢食过话几好食，所以就去试吓🥰
位于铜锣湾L square，呢一幢嘢都有唔少美食呢😆
既然系朋友推荐得，唔使谂啦，一定系嗌最贵嘅𠮶个套餐，应该都唔会惊有伏🤪
营 Ei HKD1380
前菜 • 刺身7款•季节料理1款 •寿司贯 • 汤 •甜品
我认为呢个 set都算抵食$1400唔使就有7款sashimi仲有埋季节料理，而出面其他厨师发板未必可以食到
平系冇用嘅，质素系点样先至系最重要😏
头盘嘅日本南瓜煮、海哲、小女子已经令我好期待后面，因为食材处理得好好，有突出到原本食材嘅新鲜，小女子我之前食过几次，系一款好似梭子鱼仔咁嘅嘢，师傅同我讲返佢嘅学名其实系玉筋鱼呢！
北海道毛蟹
嚟自北海道嘅毛蟹非常矜贵，新鲜到极致，食落去每一啖肉都系好满足。
活赤贝
去到上枱果一刻都见到活赤贝微微收缩，趁机放入口，用那一咬，就食到佢极为爽蛋嘅口感，配上鲜甜贝汁，令人回味😋
缟池鱼
有睇我文章嘅读者，应该都知道我系深海池鱼王嘅忠实拥趸，缟鲹嘅鲜美唔亲自食过嘅人系唔会知道有几咁令人陶醉。
水八爪
虽然简单，配上少少酱汁，就系完美。
梭子鱼
上面有提及过梭子鱼仔，估唔到之后就可以食到呢！梭子鱼肉油分极少，但鱼皮却油脂丰富，当然要配上只烧嘅烹调方法啦，配上少许香葱同埋姜蓉，又系令我忍唔住闭眼低叹。
吞拿鱼腩
大拖罗以紫苏花作为点缀，美观得来食落去鱼油味道同花香互相结合，编织出一段美妙嘅乐章。
季节料理系烧𫚕鱼鲛，稍微来一啲热食，浇上青柠汁，可以清一清口腔，迎接嚟紧嘅寿司环节😍
地金目鲷
鲜甜肥美，炙烧过油脂味更加香！
北海道帆立贝
肉质结实弹牙，帆立贝鲜甜嘅余韵喺口入边久久不散🥰
䲠鱼
呢款鱼我觉得味道系会比较独特，鱼皮的部分先烧，再浸冰水降温，有一种细腻滑溜嘅口感。
酢鲭鱼
食材处理得唔错，食落去酸味都系平均嘅。
赤身
有时食得太多大拖罗，都会怀念返赤身种鱼味😆整得好+靓嘅赤身都好无敌呢！！
赤鯥鱼
入口即化，非常嫩滑，带点焦香🧡
大呑拿鱼腩
切纹十分之靓仔嘅大toro呢🥰🥰不多解释，就系上天堂嘅感觉😋
海胆伴三文鱼籽
两样极为鲜甜多汁嘅食材唔好撞埋一齐之余，仲令到口感层次更加丰富，不得不提系，海胆真系入口即溶，每一啖都系幸福🥰
太饱嘅关系后面嘅汤同埋甜品都冇好好咁样品尝同埋影相，整体嘅体验都好良好，师傅亦都会好有礼貌好有耐性，食材质素同埋配搭都好得宜，总括来讲性价比都算唔错，朋友冇推介错😜
✨如果喜欢我的文章，可以关注我及赞好以作鼓励喔✨
张贴
