影片
更多
2021-05-14
8042 浏览
咁耐以来只系食过一次🇵🇪秘鲁菜, 大概6, 7年前, 餐厅名叫MAYTA Peruvian Kitchen & Pisco Bar, 留下非常好既印象, 食材处理得好好, 酱汁调味美味又特别, 出面好少见, 可惜好快就执左。好多年后既今日, 揾到呢间评价不错同样位于中环的秘鲁菜餐厅, 同我唯一的一次经验比较下。入到去Tokyolima 既第一个感觉系好噪, 💥噪到令人头痛𠮶种, 如果念住约朋友食饭倾计既唔建议去, 要嗌破喉咙先听到对方讲野。第二个感觉系好似去左外国咁, 无论装修, 侍应, 甚至人客都令人觉得自己好似置身于峇里岛既某一间PUB咁, 外国客人仲多过香港客人好多。星期六午餐只供应Brunch, 只需要选择主菜便可。先来一杯🍋lemonade (唔饮cocktail转) - 有一阵清新既香草味, 不过好酸。然后一次过黎左3款前菜, 全是我最爱既鱼刺身料理, 分别系salmon causa, mango ceviche同 maguro nuevo。而被我清碟的就是🥭mango ceviche - 这是南美洲国家常见的菜色, 香甜芒果汁同鲈鱼捞埋一齐食, 开胃惹味。maguro n
好多年后既今日, 揾到呢间评价不错同样位于中环的秘鲁菜餐厅, 同我唯一的一次经验比较下。
入到去Tokyolima 既第一个感觉系好噪, 💥噪到令人头痛𠮶种, 如果念住约朋友食饭倾计既唔建议去, 要嗌破喉咙先听到对方讲野。第二个感觉系好似去左外国咁, 无论装修, 侍应, 甚至人客都令人觉得自己好似置身于峇里岛既某一间PUB咁, 外国客人仲多过香港客人好多。
星期六午餐只供应Brunch, 只需要选择主菜便可。
先来一杯🍋lemonade (唔饮cocktail转) - 有一阵清新既香草味, 不过好酸。
然后一次过黎左3款前菜, 全是我最爱既鱼刺身料理, 分别系salmon causa, mango ceviche同 maguro nuevo。而被我清碟的就是🥭mango ceviche - 这是南美洲国家常见的菜色, 香甜芒果汁同鲈鱼捞埋一齐食, 开胃惹味。maguro nuevo 我都钟意, 我认为就系一般既吞拿鱼🥑牛油果卷, 特别在加入左用红菜头整成既沙律酱, 平时不吃鱼生既老公话呢个OK冇乜腥味, 所以我让比佢食。而salmon causa 我无食, 因为有我唔钟意既姜汁。
再黎是两款小食, pan con chicharron - 秘鲁传统三文治食法, 用猪肉, 🍠蕃薯同洋葱组成既三文治。味道普通, 声称的慢煮猪腩肉肉质不甚嫩滑, 面包也不香脆, 特别在提供了两款酱汁比客人点黎食, 可惜其中一款酱汁有好强烈既芫茜(我最讨厌的食物)味道。 ki-mo-chi fried chicken - 难道这是秘鲁菜的特色吗? Tokyolima 供应既所有食物温度包括之后既主菜都是微暖的, 其他食物都可以接受, 但系...炸鸡唔系热辣辣咁食真系好扣分, 肉质同样不甚嫩滑。
跟住就是主菜, the fatty piggy - 又系慢煮猪腩肉, 每次见到慢煮呢两个字都会忍唔住嗌, 今次见到慢煮再加用上半肥瘦的部位念住肉质一定会好软腍, 但可惜整体都系偏韧。
estofado con pan - 系我对今日 Tokyolima 所食到既熟食都感到失望既时候, 呢道slow-cooked short ribs 竟然有惊喜, 牛肋骨唔使用力就已经🔪切得开, 肉味浓郁口感非常嫩滑, 好好味。
之后仲有🥗沙律同甜品, 真系非常之饱, 食唔落, 老公话沙律用料新鲜, 眼见有好多我爱既食材- 南瓜, 脆米, 杏仁, 鹌鹑蛋...而甜品就打包返屋企请呀仔食。
我认为 Tokyolima 的卖点是食物份量大, 款式多, $398 有饮品, 刺身, 小食, 主菜, 沙律同甜品, 服务也不错, 虽然客人非常多, 但也勤加水, 收餐具, 介绍菜色, 有笑容, 无漏单, 食物也是一道一道跟次序咁上, 唔会话迫埋一齐上又或者要我地等好耐, 而最估佢唔到既就系 - 免收加一服务费。
张贴
