影片
更多
2019-10-14
326 浏览
临时临急尖沙咀吹鸡食饭，见到呢间元朗名店啱啱搬咗去天文台道，就胆粗粗打去问下即日夜晚有无位，又咁好彩book到，星期五晚仲唔会限时限刻赶人走，非常不错。去到先知原来只系开咗几日，而且舖位都几大，呢个时势食肆要commit扩张真系唔易，所以蒸海鲜menu都系仲有折，最贵个餐标价唔驶500蚊，都有成13-4款食物，都几丰富。打工招牌食蟹，可以每人喺顶膏肉蟹/膏蟹/奄仔之中拣一款，老板极力推介要试顶膏肉蟹，话非常罕有，我最早一台坐底都话只有两只，即管试下。只蟹真系好香甜，多肉得嚟又好多膏，非常之满足，而奄仔亦都好肥美。食海鲜最重要系材料，老板拣货的确有啲料到。虾方面每人都可以拣一只琵琶虾或者龙虾，两者都好出色，不过几只蟹实在太好食，虾反而显得无咁惊艳。至于其他刀贝，蚬，牛，猪等等都好唔错，而海鲜的确系非常新鲜，楼面帮忙蒸嘅时间亦非常准确，搞到一个二个食到只手都污糟晒无人得闲影相。最后碗粥亦都非常鲜味，不过三位女士最后饱到只能食到一碗，我同另一位男士每人食两碗粥都仲有一大窝剩，浪费咗有啲可惜。餐厅环境中规中矩，唔算豪华但干净企理，电视播港台32，不过可能店仲系新，楼面人手唔系好够，啲嘢都系比较
去到先知原来只系开咗几日，而且舖位都几大，呢个时势食肆要commit扩张真系唔易，所以蒸海鲜menu都系仲有折，最贵个餐标价唔驶500蚊，都有成13-4款食物，都几丰富。
打工招牌食蟹，可以每人喺顶膏肉蟹/膏蟹/奄仔之中拣一款，老板极力推介要试顶膏肉蟹，话非常罕有，我最早一台坐底都话只有两只，即管试下。
只蟹真系好香甜，多肉得嚟又好多膏，非常之满足，而奄仔亦都好肥美。食海鲜最重要系材料，老板拣货的确有啲料到。
虾方面每人都可以拣一只琵琶虾或者龙虾，两者都好出色，不过几只蟹实在太好食，虾反而显得无咁惊艳。
至于其他刀贝，蚬，牛，猪等等都好唔错，而海鲜的确系非常新鲜，楼面帮忙蒸嘅时间亦非常准确，搞到一个二个食到只手都污糟晒无人得闲影相。最后碗粥亦都非常鲜味，不过三位女士最后饱到只能食到一碗，我同另一位男士每人食两碗粥都仲有一大窝剩，浪费咗有啲可惜。
餐厅环境中规中矩，唔算豪华但干净企理，电视播港台32，不过可能店仲系新，楼面人手唔系好够，啲嘢都系比较慢，6点半坐底，7点开始食，都要11点先埋到单，好在系星期五大家第二日唔驶返工，慢慢hea住食吹下水都几写意。
绝对会返转头，加油！
顶膏肉蟹
5 浏览
1 赞好
0 留言
琵琶虾
9 浏览
0 赞好
0 留言
张贴
