鮨月 (已結業)

琴晚去左位于湾仔月街嘅鮨月，店面细细间，似足日本嘅居酒屋。厨师发办就当然系坐系厨师面前，职员好细心会询问一下有无咩食材系唔食。 头盘已经好丰富：薄切缟鲹刺身配沢蟹，刺身真系薄到半透明，师傅刀功果然明不虚传。沢蟹炸到金黄松脆，可以成只食，成个小食配上𩽾𩾌鱼肝同海胆豆腐，口感一流。之后上嘅北海道厚岸蚝肥美鲜甜，唔会太重海水味，非常新鲜，预先加入柠檬汁，配上小小海葡萄真系好正。活帆立贝用紫菜包住，配上帆立贝裙边同幼萝卜苗，Creamy得黎带小小清新。头盘最后有吞拿鱼，以较深红色嘅吞拿鱼赤身拼上粉红色嘅吞拿鱼腩，一啖食到吞拿鱼两个部位，别有用心。食完头盘，厨师会提供少少姜片，令食客清一清口味。 接住落黎，系一连五道嘅寿司环节。羽太：香港人俗称「斑」，上面加左酸酸地嘅白干梅，鱼肉爽口带有浓郁鱼脂香味姬鲷：寿司面放有柚子胡椒，有少少辣味令姬鲷更JUICY系撚鲷：イトヨリダイ中文名真系叫「系撚鲷」，大家唔好笑呀！虽然个名就粗俗左d，类别有少少似我地嘅红衫鱼。配有用甜酒浸过的海带，寿司再轻微炙烧一下蟹膏赤虾：最底屠层嘅赤虾清新爽口，中间系松叶蟹膏面鼓，上层系海叶葡萄，多层口感劲丰富Kama Toro：