撈得喜火鍋冰室

营业中

休息中

圣诞大餐食咗呢间鸡煲火锅，连埋假期前夕加的每位$20，每人才$252，计埋食物质素及服务水平，性价比实在高得惊人，真系要多啲帮衬，如果唔系真系惊佢做唔住。先吃鸡煲或烤鱼，然后再加汤打边炉。个鸡煲都几惹味，同埋主要系鸡脾肉，啲鸡嘅质素都唔错。至于佢啲火锅配料都真系算多，海鲜有蚬、蛏子仔、青口、蚝仔、虾及九肚鱼。牛肉有手砌牛、牛板筋及肥牛等，猪肉就有黑毛猪肉片等。特别啲嘅就有白云耳同鲜鸭血。饮品除咗一般啤酒汽水外，仲有手冲桃胶、水果茶、仙草等。另外仲有雪糕甜品𠮶啲。酱料都多选择。二百几蚊1.5小时放题，抵到无朋友。