村爺爺龍蝦湯.泡飯.燉湯專家

营业中

休息中

今日去左食呢间村爷爷，6点半去到都要排左5分10分钟先入到去。入到去啲位就比较窄，如果有一袋二袋就要小心啲。我哋叫左极上海鲜龙虾汤泡饭同鲍鱼花胶虫草花鸡煲翅，个翅可以另外加饭加菜嘅，不过我哋惊太大份就无另外加。两个主菜都好快到，上枱果下好惊艳！两个都好大份，泡饭有半只龙虾同好多海鲜，有岘，青口，鱿鱼等等，个汤都好饮，有鲜味又唔太咸。另一个鸡煲翅有半只鸡咁多，虫草花都唔少，仲有一粒鲍鱼同几条花胶，个汤都好高质，浓味得嚟饮完唔口渴，鱼翅汤捞饭好正！另外我哋叫左个墨鱼手指拼手制鱼腐，炸得几好食，热辣辣食好正。饮品我地加左石榴梳打同菠萝梳打，系用玻璃樽嘅七喜冲嘅，大大杯，好好食。埋单每人唔使二百蚊，出到门口见到条人龙仲长左，有机会都值得嚟试下！