麻辣串串香

营业中

休息中

呢间有串烧有面，选择颇多，因惊斋食串烧太dry,所以先叫面托底。响铃墨鱼丸鱼面。上菜见到响铃咁大旧插咗系度几震撼，不过未算好大碗，但咁样只系$3x，坚抵。见有鱼面几得意拣咗，有咬口，似乌冬但无咁滑，感觉新鲜！朋友叫麻辣面。我自己唔好辣，朋友意见系坚麻，佢拣咗bb辣，觉得都几ok。见到面嘅份量就开始叫唔同嘅串烧。烧鱿鱼呢个坚型！未算好腍，但劲有炭火香。后面豚腩肉唔算好肥但油脂丰富，略嫌有啲韧，但都可接受。鸡软骨超正，热又脆！送酒一流！多春鱼我麻麻，朋友话抵食。有露笋叫，唔算多渣，好有串烧炭香味。有啲菜系开心啲嘅。追加芝士鸡肉串，比想像中多芝士，咬落爆汁，正。最顶果串系墨鱼头，卖相一般但食落比墨鱼嘴更有口感。我觉得呢间论味道未必系最顶级，但系呢个价钱黎讲真系性价比高！试谂下两个人黎，两个面加六七串串烧唔驶一百，真系相当抵食。