喰楽

营业中

休息中

每次黎到骆驼漆呢层都会闻到好香，终于约到今晚嚟试吓。寿喜烧嚟讲呢个定价都唔算好贵，叫咗赤身和牛同霜降和牛餐，二人份量会放埋一齐，每一块店员都会帮手烧埋。霜降和牛净系睇个样已经知好食，雪花分布超靓，好似大理石纹咁。 最钟意沙巴当，即系上肩里脊肉，近乎入口即溶超级香，点埋兰王蛋好滑。三筋肉，即系牛板腱都唔错，软滑得黎中间嘅筋腱有啲弹牙咬口。后腿肉同上肩肉虽然明显瘦啲，但肉味浓好多。 因为火候控制得好，肉质软腍，同霜降和牛相比其实都唔逊色。最后嘅湿炒饭用返寿喜烧汁加蛋同牛肉片去炒，以为一样味会好腻，估唔到风味完全唔同，紫菜饭素好香好夹。