餓居

营业中

休息中

听同事介绍「有间居酒屋啱我食饭打卡」，所以约朋友收工去食饭。铺内环境唔错，入门口就有个鸟居，有一棵假樱花树，有三张枱系地枱设计，仲有个角落摆左龙珠嘅神龙、鬼灭嘅刀😆食物方面嘅菜式种类唔算多，我哋决定各类型都叫啲，整体黎讲都唔错，特别欣赏荔枝豚肉卷、炸虾胶冬菇同红豆鲷鱼烧🤩但鲷鱼烧真系有啲贵，好食都唔未必会再食，试过就算。另外鲣鱼汁豚肉锅同鳗鱼粒捞饭都唔错。整体而言，环境气氛唔错，坐得舒服，食物质素合格偏上，价钱相对其他居酒屋平，食到饱都系人均$250，唔错。