Mr. Steak Buffet à la minute (已搬遷) 新店位置

庆祝好友失恋 决定去食餐好的。Mr steak buffet食过两次 今个月做紧四人同行 一人免费 哗 抵到呢。冻海鲜真是好吸引。长脚蟹 龙虾 面包蟹全部大大只 又鲜甜 肉质全部都爽口弹牙 拆拆拆 食食食 停唔到口。鱼生 寿司种类好多 特别是寿司 好多特色小卷 而且细细旧 可以试多几款。冷盘种类多不胜数 净系冻肉都不少选择 而且全部都是新鲜靓料。挂住食 热盘唔记得影相😂 鹅肝唔少得 够香够滑。烧韩牛劲正 牛味够浓。寿喜烧日牛又滑 配埋金菇 食极唔停口。天妇罗 串烧 蒸海鲜～鱼 扇贝 真是好多种类 无办法食晒。炖汤今日系人参炖鸡 足料 不过稍微咸左点。甜品～蛋糕种类好多。我主攻Movenpick雪糕 有四五种味道 仲有配料可以任加。另外非食不可的绝对是心太软 即焗 朱古力味够浓 流心做得刚刚好。好味之余 仲可以叫厨师画公仔同写字 哈哈。买三送一太抵 决定六月尾前去多一次。