丼造

营业中

休息中

呢间其实黎过好多次，而家先谂起要写食评😅我最常叫的系呢度嘅极上粒粒鱼生丼，其实我向来都不太钟意食角切鱼生饭，但呢度嘅就好唔同，因为佢啲鱼生虽然系角切但就切得比较大粒所以都好有口感，有吞拿鱼蓉、海胆、蟹籽同角切三文鱼，每样都好新鲜之余份量亦都好多，食完真系会超满足😋 价钱亦唔贵只系一百蚊松啲，真系超推介！我仲食过呢度的七色鱼生饭同火炙鱼生饭，都好好味！呢度服务都好好，如果成日黎店员都会记得你钟意叫咩，上菜亦都好快！午餐跟沙律同埋面豉汤，份量都大，女仔如果细食的话可以叫少饭😀