滿小館

营业中

休息中

朋友介绍话呢度几抵食，今晚去了尖东满小馆吃饭。火焰古法烧叉烧，上菜有个铁网及底托盘，之后会点火，马上闻到香浓嘅烧肉味，叉烧边位烧得好脆身，梅头的位置，肥瘦相间，偏向少肥嘅叉烧，入口啖啖肉又香又滑，面头有少少桂花，所以叉烧入口有少少桂花蜜糖嘅香味！蒜蓉粉丝蒸元贝，火候控制唔错，入口弹牙，有粉丝及生熟蒜蓉。澳洲龙虾上汤焗，做紧特价，$468所以都想试一试，上枱龙虾肉嘅份量都几多，绝对冇偷工减料，个上汤几入味，加埋底嘅少少伊面，值得一试！味菜胡椒猪肚鸡煲，份量好大煲，猪肚处理得好好，入口又香又脆，鸡肉煮得好入味，而味菜有啲似潮州式带甜味，整体味道甜味较重酸味较少。金银蛋浸时蔬，面头有啲皮蛋咸蛋肉碎，加上个上汤都好美味。餐厅上枱卖相都几有心思，见隔篱枱菜式好多时都有啲冰镇，干冰及火焰，味道出色，价钱算公道。