影片
更多
2023-10-21
565 浏览
2023年9月28日 星期四呢晚难得约左个好耐无见既旧同事食饭，拣左系红磡置富都会食方便大家屋企搭车，而餐厅就拣左呢间西餐厅，因为之前食过旺角分店性价比都唔错由于去到嘅时间尚早，所以餐厅里面唔算太多人，餐厅都几大，可以摆放好多张枱，可以枱之间都有足够空间，而且楼底几高，感觉更加空旷餐牌有分散叫或者直接点套餐，由于我哋唔想选择太耐，所以叫咗一个二人套餐，里面已经包齐汤、沙律、前菜、意粉、小食同甜品，成个餐$400都唔使，睇落去好似好丰富咁点完餐之后等咗大约10分钟左右，餐汤就首先送到，我哋要咗忌廉蘑菇汤，个汤一啲都唔稀，每一啖都食到蘑菇蓉，而且个汤口感好幼滑又够热辣辣再嚟有三文鱼凯撒沙律，上面铺满左芝士碎，充满咸香，而且三文鱼好新鲜，同沙律好夹，加埋沙律酱食，酸酸地几开胃呢个系香辣蕃茄浓汁煮青口，青口嘅份量都几多，每一只都煮熟晒，开晒壳，所以吸收晒酱汁嘅味道，酸酸辣辣咁，而且青口好弹牙去到意粉方面，我哋要左香煎鲑鱼配味噌忌廉鲜制意粉，意粉果然系餐厅最受欢迎嘅食物，口感弹牙之余，又吸收晒酱汁嘅味道，而且份量都几多，完全足够两个人食，三文鱼煎得啱啱好，咬落去有少少鱼油，同意粉一齐食更加夹，加
呢晚难得约左个好耐无见既旧同事食饭，拣左系红磡置富都会食方便大家屋企搭车，而餐厅就拣左呢间西餐厅，因为之前食过旺角分店性价比都唔错
由于去到嘅时间尚早，所以餐厅里面唔算太多人，餐厅都几大，可以摆放好多张枱，可以枱之间都有足够空间，而且楼底几高，感觉更加空旷
餐牌有分散叫或者直接点套餐，由于我哋唔想选择太耐，所以叫咗一个二人套餐，里面已经包齐汤、沙律、前菜、意粉、小食同甜品，成个餐$400都唔使，睇落去好似好丰富咁
点完餐之后等咗大约10分钟左右，餐汤就首先送到，我哋要咗忌廉蘑菇汤，个汤一啲都唔稀，每一啖都食到蘑菇蓉，而且个汤口感好幼滑又够热辣辣
再嚟有三文鱼凯撒沙律，上面铺满左芝士碎，充满咸香，而且三文鱼好新鲜，同沙律好夹，加埋沙律酱食，酸酸地几开胃
呢个系香辣蕃茄浓汁煮青口，青口嘅份量都几多，每一只都煮熟晒，开晒壳，所以吸收晒酱汁嘅味道，酸酸辣辣咁，而且青口好弹牙
去到意粉方面，我哋要左香煎鲑鱼配味噌忌廉鲜制意粉，意粉果然系餐厅最受欢迎嘅食物，口感弹牙之余，又吸收晒酱汁嘅味道，而且份量都几多，完全足够两个人食，三文鱼煎得啱啱好，咬落去有少少鱼油，同意粉一齐食更加夹，加埋味噌忌廉酱味道更加丰富
最后是日甜品有意大利芝士饼，咖啡味几突出，反而酒味唔太食到，所以唔爱好酒既人士都可以一试，食埋真系已经劲饱，性价比好高
张贴
