雪山冰廳

营业中

休息中

之前食过深水埗果间雪山冰厅，已经觉得依间冰厅食物性价比几高.今次路经长沙湾，原来长沙湾分店是在这里，当然要帮衬下. 晚肆黄金时间，全店满座，等咗无耐就入得，天气凉凉哋，叫咗暖笠笠嘅秘制双冬羊腩煲嚟食，加钱要埋好受欢迎的炖汤及白饭. 炖汤清甜好味，果日好似系牛蒡汤，配羊腩煲食可以中和羊腩煲的惹味，平衡返味蕾，食饭期间炖汤已经宣布卖晒，想饮记得早啲叫，推介👍🏻. 羊腩煲份量不少，唔太大食的话，两个人叫多个炖汤白饭刚刚好. 支竹入味口感适中，唔会过淋身失去口感，羊腩有少少膻味，钟意食羊嘅朋友就系应该钟意佢依种味❤️，肉质入味淋身，个汁也做得几好，捞饭一流食完个人好温暖，在香港这个价钱食羊，这个份量质素，实属不错之选. 另外叫咗个胡志明市综合牛河粉，河粉几滑身，牛骨汤浓而不咸，牛丸有肉汁，生牛鲜嫩. 全餐整体来讲，不错，下次想试吓个2 人餐，见好多人也叫好似几正咁.