影片
更多
2018-12-21
2135 浏览
确罐虾，我地系食野唔抹嘴嘅拉拉屎战队。今日几位战士又出咗去尖沙咀打怪兽，打到脑闭塞，谂唔到食咩，但又想试特别野，所以就去咗间好似有D 历史痕迹嘅印尼餐厅食野…见到2款2人餐咩𩠌都有，俾我地一次过满足几个愿望，所有就试下…屎谂但(啡)战士：我始终觉得印尼咖哩唔好食。不过D个系个人口味黎嘅…其实整体质素OK。份量偏少，尤其椰汁鸡得几件鸡，仲要系鸡壳黎，无咩肉咁。7/10分。屎花(蓝)战士：点只少，而且旧鸡鞋烚烚。汁系好味，但太稀，如果杰少少会更好。反而我觉得串烧嘅鸡仲鲜嫩，比椰汁鸡嘅鸡滑。串烧嘅酱汁亦都好出色。另外，要提下个酸辣蛋，佢带点微酸，味道特别，出面好少食到，几开胃。有7/10分屎女人(黄)战士：好满足，好好味呀。因为我好中意食加多加多(沙律)个酱汁，浓浓嘅花生味，甜甜地带点微辣，好开胃。而我觉得咖哩牛腩同椰汁鸡个汁都可以，系偏水，但好送饭！另外，粟米饼都几特别，个调味几好，食到粟米味，带有咸香，有咬口，但唔会剩系咬到面粉。唯一要改善嘅地方系唔够热。7.5/10屎狗(白)战士：认同！我都觉得最好食系个粟米饼，有口感，唔只系面粉。另外串烧都好食，味道够浓。如果再辣D更好。肉唔太韧，亦
今日几位战士又出咗去尖沙咀打怪兽，打到脑闭塞，谂唔到食咩，但又想试特别野，所以就去咗间好似有D 历史痕迹嘅印尼餐厅食野…见到2款2人餐咩𩠌都有，俾我地一次过满足几个愿望，所有就试下…
屎谂但(啡)战士：我始终觉得印尼咖哩唔好食。不过D个系个人口味黎嘅…其实整体质素OK。份量偏少，尤其椰汁鸡得几件鸡，仲要系鸡壳黎，无咩肉咁。7/10分。
屎花(蓝)战士：点只少，而且旧鸡鞋烚烚。汁系好味，但太稀，如果杰少少会更好。反而我觉得串烧嘅鸡仲鲜嫩，比椰汁鸡嘅鸡滑。串烧嘅酱汁亦都好出色。另外，要提下个酸辣蛋，佢带点微酸，味道特别，出面好少食到，几开胃。有7/10分
粟米饼
97 浏览
0 赞好
0 留言
屎女人(黄)战士：好满足，好好味呀。因为我好中意食加多加多(沙律)个酱汁，浓浓嘅花生味，甜甜地带点微辣，好开胃。而我觉得咖哩牛腩同椰汁鸡个汁都可以，系偏水，但好送饭！另外，粟米饼都几特别，个调味几好，食到粟米味，带有咸香，有咬口，但唔会剩系咬到面粉。唯一要改善嘅地方系唔够热。7.5/10
屎狗(白)战士：认同！我都觉得最好食系个粟米饼，有口感，唔只系面粉。另外串烧都好食，味道够浓。如果再辣D更好。肉唔太韧，亦唔会太腍，岩岩好。有7.5/10分。
屎靓(红)战士：整体OK，几好。咖哩牛腩入味，而且牛腩几腍。加多加多(沙律)几好。但椰汁鸡唔够味，串烧唔够热同有D 干硬。有7/10分。
拉拉屎战队CONCLUSION：话说，我地未食前有段插曲，因为我地叫加多加多(沙律)另外上酱汁，结果我地将沙律酱同沙嗲酱捞乱咗，系讨论之际，企系附近嘅侍应已经主动同我地解释返，服务态度真系要俾个赞！。而餐厅环境、座位相当舒服，带有印尼特色。我地系LUNCH HOUR食都唔算多人，无坐满，所以比较静，可以倾到计，而且上菜快。野食方面整体都几好味，以尖沙咀黎讲，性价比系高，大家都可以去试下！
张贴
