力天冰室

营业中

休息中

行完胜利道路经见到呢间冰室， 见到佢有个麻辣海鲜乌冬铁板烧觉得几有趣就入咗去试吓。麻辣海鲜乌冬铁板烧 特色❤️乌冬软硬适中，一上菜就咋咋声，仲有平时扒房嘅铁板烧嘅焦香味！ 里面有真系有鱿鱼，大虾同青口。 食落去个味道好特别，真系有啲麻辣，少少辣好惹味。里面仲有啲芽菜同葱爆香过。 呢个麻辣乌冬真系第一次试！ 蜜汁薯仔牛柳粒估唔到咁大碟，薯仔够晒林而且油炸过入口脆卜卜，里面仲要好软熟。蜜汁味道包围成个薯仔🥔，忍唔住一粒一粒食晒！ 牛柳粒调味刚刚好，咸咸地加啲黑椒仲有少少蜜汁。成道菜嘅火候好够，有爆炒嘅味道。叫𩠌送白饭同埋例汤，呢度嘅白饭偏硬身，好适合我个人口味。红汤 罗宋汤里面馅料好丰富，西芹薯仔萝卜咩都有。 味道偏辣应该落咗不少黑椒，饮落去几惹味。 柠檬利宾纳好耐都冇饮过，好有诚意，柠檬都有四片！ 利宾纳唔会太甜，份量啱啱好。