老厝邊

营业中

休息中

又到食饭时间，经过呢间台式餐厅，个铺头名好特别，睇睇餐牌，都唔算贵，就决定入去医肚。香喷喷炸鸡排便当，上菜果时真系吓亲，块炸鸡排劲大块，即叫即炸热辣辣，个外皮炸到脆卜卜，但个皮又唔算太厚粉，入而d鸡肉仲系好嫩好多汁，入口外脆内嫩，d鸡肉仲好juicy,唔错。红糟肉便当，第1次食红槽，原来系甜甜地，而d肉系猪肉，都炸得好香脆，配埋个红槽汁好夹，便当仲有3款配菜同卤蛋，非常丰富。起司肉松蛋饼，蛋饼外皮烟烟韧韧，d涵都非常多，劲又多肉松同芝士，食到停唔到口。珍珠茉莉奶绿，茉莉茶味好特出，味道唔算好甜，d珍珠做得几好，好烟韧。柚子芒果沙冰，夏天消暑一流，柚子味同芒果味都好香，唔太甜，饮落凉浸浸。