一起食堂 (域多利皇后街)

营业中

休息中

之前食过「一起食堂」喺观塘嘅分店，好味又抵食，呢日喺中环遇上，又入去帮衬吓先。餐牌入面有唔少选择，有台/日式饭、面食、小食，仲有季节限定。特浓豆乳鸡乌龙面（$89）- 入面有四块厚切嘅鸡肉，鸡肉整得好滑。豆乳汤底清清地，带豆乳香味，乌冬面亦相当滑同烟韧。蒲烧鳗鱼饭 （$99）- 鳗鱼厚身，烧汁浓郁，连埋流心蛋同味素，送饭一流。烤台湾香肠 （$32）- 烤得香脆，唔会过咸，好香口嘅小食。肉燥烫青菜（$28）- 青菜分量都多，加咗肉燥，味道唔会咁寡。珍珠奶茶（$24）- 健康啲点咗无糖，更加突显茶味，珍珠入口都烟靭，抵饮又好味。爱玉凤梨绿茶（$24）- 凤梨味道好香，配搭爱玉，味道唔错。餐厅食物质素不俗，响中环区来讲定价相当抵食，值得推介呀。